Елордада Парламенттің VI шақырылымы бірінші сессиясының ашылуына арналған қос палатаның бірлескен отырысы өтті. Салтанатты жиынды президент Нұрсұлтан Назарбаев ашты. Басқосудан кейін Мәжілістің жалпы отырысы өз жұмысын бастайды. Үстіміздегі жылдың 20 наурызында өткен Мәжіліс және мәслихат депутаттарының сайлау қорытындысы бойынша, төменгі палатаға «Нұр Отан» партиясынан 84, «Ақ жол» мен Қазақстан коммунистік халық партиясының әрқайсысынан 7 депутат, ал Қазақстан халқы Ассамблеясынан 9 депутат сайланған. Елбасы туелсіздігіміздің 25 жылдығы жаһандық даму тұрғысынан аса күрделі кезеңге сәйкес келетінін және алдағы уақытта халық қалаулыларына зор міндеттер жүктелетінін ерекше атап өтті. ҚР Парламенті Мәжілісінің төрағасы лауазымына Бақтықожа Ізмұхамбетов сайланды. Ол осыған дейін бірақтар облыстарды, сондай-ақ, Энергетика және минералды ресурстар министрлігін басқарған.
