Бүгіннен бастап Парламент Мәжілісі сайлауына түсетін саяси партиялардың үгіт-насихат жұмыстары аяқталады. Мәліметтерге сәйкес, науқанды атқаруға арнайы дайындықтан өткен 13 399 сайлау комиссиясы қатысады. Барлығы дерлік арнайы дайындықтан өт, оқытылған. Ол үшін 900 тренинг ұйымдастырылды. Дауыс беру ертең, яғни 20 наурыз, жергілікті уақыт бойынша ертеңгі 7-де басталып, кешкі 8-де аяқталады және дауыс беру 9 840 учаскеде өтеді. Сайлауға өзге мемлекеттер мен халықаралық ұйымдардан 817 байқаушы қатысады. Сайлау өткізілетін күні Астанадағы қоғамдық көлікпен қатынау тегін болады. Бұл жайлы қалалық Ішкі саясат басқармасының басшысы Ерлан Қаналимов мәлімдеді.
