Елімізде жыл сайын өткізілетін «Қазақ аруы» байқауының кезекті сайысы өз мәресіне жетті. Биылғы қатысуға ниет білдірушілердің саны 600-ге жуықтағанымен, тек 20 ару ғана іріктеуден өтті. Байқау қорытындысы бойынша, әділқазылардың таңдауы атыраулық Альмира Ахатоваға түсіп, сұлу қыз бас жүлдені жеңіп алды. Альмира - Астанадағы медициналық университеттің ІІІ курс студенті, жасы 20-да. Жеңімпазға алтын тәж кигізіліп, автокөлік сыйға тартылды. «Қазақ аруы» байқауы елімізде осымен алтыншы рет қатарынан өткізіліп келеді. Сымбат пен жан сұлулығын үйлестірген байқаудың биылғы жүргізушілері Нұрсұлтан Құрман мен Кәмшат Жолдыбаева болды.