«Мәңгілік ел» пойызы тәуелсіздігіміздің 25 жылдық мерейтойына орай ұйымдастырылған болатын. Жүрдек пойыз өз сапарын 15ақпанда Астанадан бастаған. Осы уақытқа дейін 33 елді мекенде аялдаған. Түрлі сала мамандарынан құралған пойыз қызметкерлері бір ай ішінде тұрғындарға әлеуметтік көмек көрсетіп келді. Онда заңгерлер, медицина, банк қызметкерлері секілді білікті мамандар бар. Әсіресе, дәрігерлердің халыққа көмегі мол болды. Олар шалғай ауыл жұртшылығын қабылдап, мұқтаж жандарға үлкен қалаларда емделуге жолдама берді. Алматыға келіп жеткен пойызды қала жұртшылығы үлкен қошеметпен қарсы алды.
