Әнші-композитор Тұрсынғазы Рахимов 65 жасқа қараған шағында дүниеден озды. Осыдан бір апта бұрын ғана өнер иесінің Семейде «Қазағым-ай» деп аталатын есеп беру концерті өткен еді. Артында 100-ге жуық шығармашылық мұрасы қалған композитордың туындыларының ішінде Мұқағали Мақатаевтың өлеңдеріне жазылған 15-тен астам әндері бар. Оның «Сәби болғым келеді», «Дариға, домбырамды берші маған», «Отыздан асып барамын», «Нені аңсаймын» және де өзге әндері тыңдармандарының жүрегінде мәңгіге қалмақ. Композитормен қоштасу жексенбі, яғни ақпанның 28-інде сағат 10.00-де Семейдегі Абай театрында өтеді.