Соңғы уақыттары еліміздің Оңтүстік Қазақстан және Ақтөбе облыстарында жасөспірім қыздар арасындағы жүктілік жиілеп барады. Статистикаға назар аударар болсақ, 2015 жылы оңтүстікте 800-ден астам кәмлетке толмаған қыз бала осы мәселе бойынша есепке алынса, Ақтөбе өңірінде 200-ге жуық факті тіркелген. 2015 жылдың қорытындысы бойынша, Соңғы облыста тек 2016 жылдың өзінде ғана 28 жүктілік жағдайы орын алған. Әйелдер істері және отбасылық-демографиялық саясат жөніндегі ұлттық комиссияның кезекті отырысында бұл мәселе кеңінен көтеріліп, ата-аналардың бала тәрбиесіндегі рөлін күшейту қажеттілігі сөз болды. Кезекті отырыста Тәуелсіздіктің 25 жылдығына арналған «25 пайдалы іс» республикалық акциясының іске асырылу барысы талқыланды. Сондай шаралардың бірі ретінде - республикалық деңгейде әкелер байқауын өткізу жоспарланып отыр. Осылайша қоғамдағы әке тәрбиесінің маңыздылығын арттырып, отбасылық құндылықтарды арттыру көзделіп отыр.
